Dalawa ang anak ni Lea Bustamante—dalawa rin ang ama nila. Hindi sana ito problema para kay Lea, kung hindi lang ito pilit pinoproblema ng ibang tao: ng nagkakaselosang mga ama, ng naeeskandalong prinsipal at mga magulang sa paaralan, at ng iba pang mga taong wala namang kinalaman sa pagpapalaki ng mga anak niya.

Mahirap maging ina. Lalong mahirap kung ang mismong mundong kinagagalawan mo'y dinidiktahan ka kung paano ka dapat maging ina. Sa nobelang ito hinahamon ni Bautista ang papel ng lipunan sa pagpapalaki ng kabataan. Pinaototohanan nito ang ang anak ay hindi lamang anak, ang ina ay 'di lamang ina, kundi sarili nilang tao.