Kva er samanhengen mellom nevrovitskap og pedagogikk?
 
Moderne nevrovitskap viser korleis minnefunksjonar og ulike prosessar i hjernen er avgjerande for læring. I denne boka tek forfattaren med seg kunnskapen frå nevrovitskapen inn i pedagogikken, og viser korleis desse to fagtradisjonane med sine ulike tilnærmingar til læring kan styrke vår forståing av korleis læring skjer
 
Boka gir ei innføring i kva lærarar og lærarstudentar bør vite om hjernen og ulike nevrobiologiske prosessar som påverkar elevars læring og læreføresetnader. I boka kan du mellom anna lese om hjernens oppbygging, om minne og minnesystem, persepsjon, læring og motivasjon, om barns utvikling og om korleis vi kan hjelpe elevar med ulike behov.
 
Forfattaren viser korleis kunnskap om desse ulike emna er sentrale for å forstå læring og læringsprosessar og for å kunne tilpasse undervisninga til elevane sine føresetnader. Boka gir òg innsikt i korleis kunnskapar frå to ulike fagtradisjonar er viktige å føre saman for å kunne møte elevars ulike behov.  Boka er skriven for studentar i lærarutdanningane.
 
Göran Söderlund er professor i spesialpedagogikk ved Institutt for pedagogikk, religion og samfunnsfag ved Høgskulen på Vestlandet. Han har PhD i eksperimentell psykologi frå Stockholms universitet og forskar på merksemd og minne, særleg på barn med merksemds- og lese- og skrivevanskar.